Almaty qalasynyń Dostyq úıinde Qazaqstan Respýblıkasynyń Konstıtýsıasy kúnine arnalǵan otyrys ótti. İs-shara Almaty qalasy «Qoǵamdyq kelisim» KMM ókilderi, etnomádenı birlestikterdiń basshylary men músheleri, QHA qoǵamdyq qurylymdarynyń (Analar keńesi, «Assambleıa jastary» QB, jýrnalıser klýby, ǴST ókilderi), ǵylymı jáne shyǵarmashylyq zıaly qaýym ókilderiniń qatysýymen ótti. Bul týraly Almaty qalasy "Qoǵamdyq kelisim" mekemesiniń baspasóz qyzmeti habarlady.

Qazaqstan Respýblıkasy Konstıtýsıasynyń róli men mańyzdylyǵy týraly Battalhanov Bolysbek Zamanbekuly, D.A. Qonaev atyndaǵy Eýrazıalyq zań akademıasynyń Qazaqstan halqy Assambleıasy kafedrasynyń meńgerýshisi, Almaty q. QHA múshesi, Almaty q. QHA janyndaǵy ǴST múshesi áńgimelep berdi.

Búgingi kúni Qazaqstan Respýblıkasynyń Konstıtýsıasy qoǵamdy jańǵyrtý, demokratıalyq ınstıtýttardy nyǵaıtý, azamattardyń ál-aýqatyn arttyrý jáne álemniń damyǵan elderiniń qataryna kirý jolynda shoǵyrlandyrýdyń qýatty faktory bolyp tabylady.

Óz kezeginde, Lýkashev Vsevolod Anatolevıch – Almaty qalasynyń Qazaqstan halqy Assambleıasy tóraǵasynyń orynbasary, «Qazaqstandyq orys mádenı ortalyǵy» qoǵamdyq birlestigi fılıalynyń tóraǵasy otandastardy kele jatqan merekemen quttyqtady.

Sondaı-aq, Almaty qalasynyń Qazaqstan halqy Assambleıasy tóraǵasynyń orynbasary Nıazova Nýrıa Ismagılovna, «Ildash» tatar gýmanıtarlyq damý ortalyǵynyń tóraǵasy, dýngan respýblıkalyq etnomádenı ortalyǵynyń Jastar qanatynyń tóraǵasy Djınlırov Arafat jáne Qazaqstan halqy Assambleıasynyń basqa da belsendi músheleri baıandama jasady.